Desgagnés Transarctik inc.
Nunavut Sealink and Supply inc.
Taquaramut Transport inc.
1-866-732-5438
1-866-732-5438
1-866-732-5438

covid-19

ᓯᑦ- ᑲᑐᕇᓐᔅ (ᑯᐸᐃᒃ) ᔫᓐ 17, 2020

ᐃᑲᔪᖅᐸᒃᑕᑦᑎᓐᓄᑦ ᑐᕌᖅᑐᖅ,

ᓄᓇᕗᑦ ᐅᓯᑲᑦᑕᖅᑎᑦ ᐊᒻᒪᓗ ᑕᕋᒧᑦ ᐅᓯᑲᖅᑕᖅᑎᑦ ᐊᒻᒪᓗ ᑎᔅᔭᓂᐄ ᑲᔪᓯᑦᑎᐊᖁᓇᐅᓂᐊᖅᑐᓯ ᑕᒪᑐᒪᒥ ᐅᒥᐊᕐᔪᐊᓕᕆᓐᓇᐅᑎᓪᓗᒍ.

ᑕᒪᐅᓐᓇᐅᓂᖓᓄᑦ ᓄᕙᖕᓂᕐᔪᐊᖅ-19 ᐊᐃᑦᑐᕐᓗᐃᕙᓪᓕᐊᓂᖓᓄᑦ, ᓱᕋᒃᑕᐅᒋᐊᖃᓐᖏᑦᑐᓂᒃ ᒪᓕᒐᕐᓂᒃ ᐊᑐᓕᖅᑎᑦᑎᓂᐊᕋᑦᑕ 2020 ᐊᕐᕌᒍᐊᓂ ᑕᐃᒪᓕ ᑕᒪᕐᒥᒃ ᐋᓐᓂᐊᓕᖁᓇᒋᑦ ᐊᒻᒪᓗ ᐊᑦᑕᕐᓇᖅᑐᒦᓕᖁᓇᒋᑦ. ᐅᒥᐊᕐᔪᐊᒃᑯᑦ ᐅᓯᔭᐅᔭᕆᐊᖃᖅᑐᑦ ᐱᔨᑦᓯᕋᖅᖢᒋᑦ ᐱᒻᒪᕆᐅᖕᒪᑦ ᐱᔨᑦᑎᕋᐅᑎ ᐊᒻᒪᓗ, ᑕᐃᒫᖑᓂᖓᓄᑦ, ᐊᑐᖅᑕᐃᑎᑦᑎᓂᐊᖅᑐᒍᑦ ᐱᓕᕆᔨᑦ ᐱᓇᓱᐊᕈᓯᐅᓚᐅᖅᑐᒥᒃ ᑲᑎᒪᓚᐅᖅᑐᑦ ᐱᐅᓯᕆᔭᐅᓂᐊᖅᑐᓂᒃ ᐋᕿᒃᓱᐃᓪᓗᑎᒃ ᓄᓇᓖᑦ ᐊᒻᒪᓗ ᐋᓐᓂᐊᕕᖕᓂᑦ ᐱᓇᓱᐊᖅᑎᐅᔪᑦ.

ᐊᐱᕆᔪᒪᕗᒍᑦ ᐃᑲᔪᖃᑎᒌᑦᑎᐊᖁᓪᓗᓯ ᐊᒻᒪᓗ ᐊᑏ ᐅᑯᐊ ᐅᖃᓕᒫᕐᓗᒋᑦ ᖃᐅᔨᒪᓂᐊᕋᕕᑦ:

ᐃᓂᓕᐅᕆᓂᖅ ᐅᒥᐊᕐᔪᐊᑰᖅᑎᑕᒃᓴᓂᒃ:

ᒫᓐᓇ ᐊᖏᖅᓯᒪᕗᒍᑦ ᐃᓂᓕᐅᕆᔪᒪᔪᓄᑦ ᐅᒥᐊᕐᔪᐊᑦ ᓯᕗᓪᓕᖅᐹᖓᓂᑦ, ᐱᖃᑖᓂᑦ ᐊᒻᒪᓗ ᐱᖓᔪᖓᓂᑦ ᑎᑭᕕᒃᓴᓄᑦ. ᐊᑏ ᐃᓂᓕᐅᕆᓗᑎᑦ ᒫᓐᓇᐅᔪᒥᒃ. ᐸᕐᓇᐃᔪᓐᓇᖅᑐᒍᑦ ᐊᒻᒪᓗ ᐃᓂᓕᐅᕐᓗᒋᑦ ᐅᒥᐊᕐᔪᐊᒃᑯᑦ ᐅᓯᔭᐅᖁᔭᑎᑦ ᐅᕘᓇ www.articsealift.com, ᐅᑭᐅᖅᑕᖅᑐᓕᐊᖅᑐᑦ, ᑕᒪᐃᓐᓄᑦ ᐅᒡᕙᓘᓐᓃᑦ ᑲᓕᑕᐅᖁᔭᑎᑦ ᐅᓯᔪᓐᓇᖅᑕᕗᑦ.

ᐅᒥᐊᕐᔪᐊᑦ ᐃᖏᕐᕋᓂᖏᑦ

ᐅᒥᐊᕐᔪᐊᑦ ᐃᖏᕐᕋᔪᑦ ᓇᒦᓕᕐᒪᖔᑕ ᖃᐅᑕᒫᑦ ᖃᕆᓴᐅᔭᑦᑎᒍᑦ ᖃᐅᔨᒋᐊᕈᓐᓇᖅᑕᑎᑦ. ᐊᑏ ᖃᐅᔨᒋᐊᒃᑭᑦ ᐅᓪᓗᖏᑦ ᐸᕐᓇᐃᓂᐊᕋᕕᑦ ᐋᑕᐅᓂᐊᕐᒪᑕ ᐅᒥᐊᕐᔪᐊᓕᕆᕕᖕᒧᑦ ᐊᒻᒪᓗ ᖃᐅᔨᓂᐊᕋᕕᑦ ᖃᖓ ᐅᒥᐊᕐᔪᐊᑰᖅᑎᑕᑎᑦ ᑎᑭᑦᑐᒫᕐᒪᖔᑕ.

ᑐᓴᐅᒪᖃᑎᒌᖕᓂᖅ

ᑐᓴᒐᒃᓴᐃᑦ ᐊᒻᒪᓗ ᒫᓐᓇ ᖃᓄᐃᓕᖓᓕᕐᒪᖔᑕ ᑎᑎᕋᖅᑕᐅᖃᑦᑕᕐᓂᐊᖅᑐᑦ ᖃᕆᓴᐅᔭᑦᑎᒍᑦ ᐊᒻᒪᓗ ᐱᖃᓐᓇᕇᕕᒃᑯᑦ. ᖃᐅᔨᒋᐊᖃᑦᑕᕐᓗᑎᑦ ᐊᒻᒪᓗ ᒪᓕᒡᓗᑕ ᖃᐅᑕᒫᑦ ᐊᓯᕈᖃᑦᑕᖅᑐᑦ ᖃᓄᐃᓕᖓᓕᕐᒪᖔᑕ. ᐅᑯᐊ ᐃᑲᔪᖅᑕᐅᔪᒪᔪᓄᑦ ᐱᔨᑦᑎᕋᕐᑎᑦ ᐱᓇᓱᐊᖃᑎᒌᑦ ᑭᐅᓯᔪᓐᓇᕐᒥᔪᑦ ᖃᓄᑐᐃᓐᓇᖅ ᐊᐱᖁᑎᒃᓴᓂᒃ ᐊᒻᒪᓗ ᐃᑲᔪᕐᓗᑎᒃ ᐸᕐᓇᐃᑎᓪᓗᑎᑦ ᐅᓯᔭᐅᖁᔭᕐᓂᒃ.

  • ᖃᕆᓴᐅᔭᒃᑯᑦ: www.arcticsealift.com
  • ᐃᑲᔪᖅᑕᐅᔪᒪᔪᓄᑦ ᐱᔨᑦᑎᕋᕐᕕᒃ: 1-888-sealift (1 888-732-5438)

 

ᓯᑦ-ᖃᑐᕇᓐᔅ ᐅᒥᐊᕐᔪᐊᓕᕆᕕᖓᑦ

ᐅᑯᐊ ᐊᑑᑎᖃᖅᑐᑦ ᖃᐅᔨᒪᔭᕆᐊᖃᖅᑕᑎᑦ ᐋᑦᑎᓂᐊᖅᑎᓪᓗᑎᑦ ᐅᓯᔭᐅᖁᔭᕐᓂᒃ ᐅᒥᐊᕐᔪᐊᓕᕆᕕᖕᒧᑦ:

  • ᐅᒥᐊᕐᔪᐊᓕᕆᕕᒃ ᐃᓂᖓ 6565 Hébert Blvd, ᓯᑦ-ᑕᑐᕇᓐᔅ (ᑯᐸᐃᒃ) J5C 1B5;
  • ᐅᓇ ᐅᒥᐊᕐᔪᐊᓕᕆᕕᒃ ᒪᑐᐃᖓᓲᖅ ᓇᒡᒐᔭᒥᑦ ᐅᓪᓗᑐᐃᓐᓇᕐᒧᑦ, 8 ᐅᓪᓛᒃᑯᑦ ᑎᑭᓪᓗᒍ 12 ᐅᓐᓄᓴᒃᑯᑦ ᐊᒻᒪᓗ 1 ᐅᓐᓄᓴᒃᑯᑦ ᑎᑭᓪᓗᒍ 5 ᐅᓐᓄᒃᑯᑦ;
  • ᐱᔭᕆᐊᖃᒻᒪᕆᒃᑐᑎᑦ ᐃᓂᓕᐅᕆᓗᑎᑦ ᐋᑦᑎᓂᐊᕐᓗᑎᑦ ᐅᒥᐊᕐᔪᐊᑰᖁᔭᕐᓂᒃ ᐃᒻᒪᖄ ᐃᓗᐊᓂ 48 ᐃᑲᕐᕋᑦ ᓯᕗᓕᑐᖃᖓᓂ;
  • ᐅᖃᓗᒍᓐᓇᖅᑐᑎᑦ ᐅᕙᑦᑎᓐᓄᑦ (450) 635-7700 ᐃᓂᓕᐅᕆᓗᑎᑦ. ᐊᐱᕆᓗᑎᑦ ᐃᓂᓕᐅᕆᒐᕕᑦ ᓈᓴᐅᑎᑖᖅᑎᑕᐅᔪᒪᓗᑎᑦ. ᑐᓂᔭᐅᓂᐊᖅᑐᑎᑦ ᐃᓂᓕᐅᕆᓂᕐᓄᑦ ᓈᓴᐅᑎᒥᒃ ᐊᑐᓂ ᐅᓯᔭᐅᑎᑕᕐᓄᑦ;
  • ᐱᓕᕆᔾᔪᑎᑦ ᐊᑐᓕᖅᑎᑕᐅᓯᒪᔪᑦ ᒪᓕᒃᑕᐅᓂᐊᖅᑐᑦ ᐅᒥᐊᕐᔪᐊᓕᕆᕕᖕᒥ ᓴᐳᑎᓯᒪᓂᐊᕋᑦᑎᒍᑦ ᐋᓐᓂᐊᓕᖅᑐᖃᖁᓇᒍ ᐊᒻᒪᓗ ᐊᑦᑕᕐᓇᖅᑐᒦᓕᖅᑐᖃᖁᓇᒍ. ᐊᑏ ᒪᓕᒡᓗᒋᑦ ᐅᖃᐅᔾᔪᓯᐊᑦ ᑎᑎᕋᖅᓯᒪᔪᑦ ᑕᐃᑲᓃᑎᓪᓗᑎᑦ ᐅᒥᐊᕐᔪᐊᓕᕆᔪᓂ.

 

ᐅᓯᔭᐅᖁᔭᑎᑦ ᐅᕚᓘᓐᓃᑦ ᐊᒻᒪᓗ ᑲᓕᑕᐅᖁᔭᑎᑦ

ᐅᓯᔭᐅᓂᐊᖅᑐᑦ ᐃᓂᓕᐅᕆᐊᖃᖅᑐᑦ ᓯᕗᓂᑐᖃᖓᓂ, ᐊᒻᒪᓗ ᐅᓯᓂᐊᖅᑕᕗᑦ ᐱᑐᐃᓐᓇᕆᐊᖃᓕᖅᓯᒪᓗᑎᑦ ᐅᒥᐊᕐᔪᐊᒧᑦ ᐅᒥᐊᕐᔪᐊᖅ ᑎᑭᑉᐸᓕᐊᑎᓪᓗᒍ ᓄᓇᑦᓯᓐᓄᑦ. ᐅᓄᓗᐊᖅᑎᑦᑎᓂᐊᓐᖏᑦᑐᒍᑦ ᐊᒻᒪᓗ ᐊᑐᓂ ᓄᓇᓖᑦ ᑕᒪᒃᑭᕆᐊᕐᓗᒋᑦ.

ᐅᓯᔭᐅᔪᑦ ᐅᓰᔭᕐᓗᒋᑦ ᐊᒻᒪᓗ ᑎᑭᑎᓪᓗᒋᑦ ᐅᑭᐅᖅᑕᖅᑐᒥ ᓄᓇᓕᖕᓄᑦ

ᐊᖏᖃᑎᒌᒃᓯᒪᔪᑦ ᓄᓇᕗᑦ ᐊᒻᒪᓗ ᓄᓇᕕᒃ ᐊᖓᔪᖅᑳᖏᑦ, ᐱᓕᕆᑦᑎᐊᖁᓪᓗᒋᑦ ᐊᒻᒪᓗ ᐱᐅᓯᖃᕐᓗᑎᒃ ᐊᑐᖅᑕᐅᓂᐊᖅᑐᓂᒃ ᐅᓰᔭᖅᑎᓪᓗᒋᑦ ᐅᒥᐊᕐᔪᐊᑰᖅᑎᑕᐅᔪᓂᒃ ᓄᓇᓕᖕᓂ ᓴᐳᒻᒥᓂᐊᕋᑦᑕ ᑭᓇᑐᐃᓐᓇᖅ ᐋᓐᓂᐊᓕᖁᓇᒍ ᐊᒻᒪᓗ ᐊᑦᑕᕐᓇᖅᑐᒦᓕᖁᓇᒍ.

  • ᓴᓇᔨᕗᑦ ᐊᒻᒪᓗ ᐅᓰᔭᐃᔪᑦ ᓴᓇᔨᑦ ᐊᒥᓱᓂᒃ ᐋᓐᓂᐊᓕᑦᑕᐃᓕᒪᔾᔪᑎᖃᕐᓂᐊᖅᑐᑦ ᐅᒥᐊᕐᔪᐊᒧᑦ ᐃᑭᓚᐅᓐᖏᓐᓂᖏᓐᓂ. ᓴᓇᔨᕗᑦ ᐊᒻᒪᓗ ᐅᓰᔭᐃᔪᑦ ᓴᓇᔨᑦ ᖃᐅᔨᓴᖅᑕᐅᓂᐊᖅᑐᑦ ᐊᒻᒪᓗ ᑎᑎᕋᖅᑕᐅᕙᒡᓗᑎᒃ ᖃᐅᑕᒫᑦ.
  • ᓴᓇᕐᕈᑎᑦ ᑕᒪᕐᒥᒃ ᓴᓗᒻᒪᖅᓴᖅᑕᐅᓂᐊᖅᑐᑦ, ᐊᒻᒪᓗ ᓴᓇᔩᑦ ᓇᖕᒥᓂᖅ ᓴᓗᒻᒪᖅᓴᐃᔾᔪᑎᒃᓴᒥᖕᓂᒃ ᓇᒡᓴᕐᓗᑎᒃ, ᐊᒃᑕᑯᑦ ᐴᖃᑦᑎᐊᕐᓗᑎᒃ ᐊᒻᒪᓗ ᓂᕿᑦ ᐃᓱᒫᖅᓲᑕᐅᔪᑦ ᐊᒻᒪᓗ ᓇᒡᓴᖅᑕᐅᑦᑕᐃᓕᓗᑎᒃ ᑕᐃᑯᐊ ᐊᒻᒪᓗ ᑕᐃᑲᖓᑦ ᓄᓇᓕᖕᓂᑦ.
  • ᑎᑎᕋᖅᓯᒪᔪᑦ ᑐᑭᓯᓇᑦᑎᐊᕐᓗᑎᒃ ᑕᒪᕐᒥᒃ ᐱᖓᓱᓂᒃ ᐅᖃᐅᓯᕐᓂᒃ ᑎᑎᕋᖅᓯᒪᓗᑎᒃ ᑕᒫᓂ ᓯᒡᔭᒥ. ᑐᓚᒃᕕᖕᒥ ᓴᓇᔨᑦ ᐊᑐᕆᐊᖃᕐᓂᐊᖅᑐᑦ ᐋᓐᓂᖅᑕᐃᓕᒪᔾᔪᑎᒃᓴᓂᒃ ᐊᓐᓄᕌᕐᓂᒃ.

 

ᐃᑲᔪᖅᑕᐅᔪᒪᔪᑦ ᓯᒡᔭᓕᐊᕆᐊᖃᖅᑐᑦ ᐊᒻᒪᓗ ᒪᓕᒡᓗᑎᒃ ᒪᓕᖁᔭᐅᔪᓂᒃ ᐊᐃᒡᖠᖅᑎᓪᓗᒋᑦ ᐅᓯᔭᐅᑎᑕᒥᖕᓂᒃ.

  • ᑕᒪᕐᒥᒃ ᐊᑐᖅᑕᐅᔪᑦ ᑕᐃᒪᓇᐅᔪᑦ ᓴᐳᒻᒥᓂᐊᕋᑦᑕ ᓄᓇᓕᖕᓂᒃ ᐊᒻᒪᓗ ᓴᓇᔨᑦᑎᓐᓂᒃ ᐱᔨᑦᑎᕋᐃᓐᓇᕈᓐᓇᕐᓂᐊᕋᑦᑕ ᓄᓇᓕᖕᓂᒃ, ᑕᐃᒪᓗ ᐅᒥᐊᕐᔪᐊᒃᑯᑦ ᐅᓯᔭᐅᔭᕆᐊᖃᖅᑐᓂᒃ ᐱᔨᑦᑎᕋᖅᑎᐅᑎᓪᓗᑕ ᑕᒪᓐᓇ ᐊᖏᔪᒥᒃ ᐱᒻᒪᕆᐅᔪᖅ ᐱᔨᑦᑎᕋᐅᑎ.
  • ᐃᓅᖃᑎᑎᑦ ᐅᖓᓯᒋᕙᒡᓗᒋᑦ ᐊᒻᒪᓗ ᑕᒪᓐᓇ ᐊᑐᖅᑕᐅᖏᓐᓇᓕᒫᕐᓗᓂ ᒪᓕᒐᖅ.
  • ᓴᓗᒻᒪᑦᑎᐊᕋᓱᐊᕐᓂᖅ ᐋᕿᒃᑕᐅᓯᒪᔪᑦ ᐋᓐᓂᐊᕕᖕᓂ ᐊᖓᔪᖅᑳᖑᔪᓂᑦ ᐊᖏᓛᒥᒃ ᐱᒻᒪᕆᐅᔪᑦ
  • ᑎᑎᕋᕐᕕᖕᒥ, ᐊᑐᕐᓂᐊᖅᑐᒍᑦ ᐃᓗᐊᓃᑦᑐᓐᓇᕐᓗᑕ ᐊᓕᒎᔭᖅ ᐊᕙᑖᓃᓐᓂᐊᖅᑐᖅ ᐊᕕᒃᓯᒪᑎᑦᑎᓗᓂ ᐃᑲᔪᖅᑕᐅᔪᒥᒃ ᐊᒻᒪᓗ ᐅᓯᔭᐅᓂᐊᖅᑐᓂᒃ ᖃᐅᔨᓴᖅᑎᒥᒃ.
  • ᐃᑲᔪᖅᑕᐅᔪᑦ ᐊᐱᕆᔭᐅᕗᑦ ᐊᑎᓕᐅᕐᓗᑎᒃ ᐅᒥᐊᕐᔪᐊᑉ ᑎᑎᖃᖁᑎᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑎᑎᖃᓂᒃ ᑕᐃᑲᓂ ᖃᐅᔨᓴᖅᑎᑦ ᑎᑎᕋᕐᕕᖓᓂ ᑕᐃᑲᓂ ᓯᒡᔭᒥ ᖃᓂᒋᓗᐊᖅᑕᐃᓕᒪᓗᒍ. ᐊᑐᕆᐊᖃᕐᓂᐊᖅᑐᓯ ᓇᖕᒥᓂᖅ ᑎᑎᕋᐅᑎᑦᓯᓐᓂᒃ ᐊᑎᓕᐅᕆᓂᐊᕋᑦᓯ ᑎᑭᓵᑎᑦ ᑎᑭᓐᓂᖏᓐᓄᑦ ᑎᑎᖃᖏᓐᓂᒃ.
  • ᐅᑎᐊᕐᓂᐊᖅᑐᑦ ᐊᒻᒪᓗ ᑲᓕᑕᐅᓂᐊᖅᑐᑦ ᐅᒥᐊᕐᔪᐊᑰᖅᑎᑕᒃᓴᐃᑦ ᐱᓕᕆᔭᐅᓂᐊᖅᑐᑦ ᓴᓗᒻᒪᖅᑕᐅᑦᑎᐊᕐᓗᑎᒃ ᑕᒪᕐᒥᒃ ᓄᓇᓯᐅᑎᑦ ᐊᒻᒪᓗ ᓴᓇᕐᕈᑎᑦ.
  • ᐃᖏᕐᕋᓯᔪᖃᕆᐊᖃᕐᓂᐊᓐᖏᑦᑐᑦ ᑕᒫᖓᑦ ᓯᒡᔭᒥᑦ ᐊᒻᒪᓗ ᐊᓯᐊᓄᑦ ᐅᒥᐊᕐᔪᐊᓕᕆᕕᒋᔭᑦᑕ ᐊᓯᐊᓄᑦ

 

ᖃᓄᑐᐃᓐᓇᖅ ᐊᐱᖁᑎᒃᓴᖃᕈᕕᑦ, ᐊᑏ ᐅᖃᕐᕕᐅᓂᐊᖅᐳᒍᑦ; ᐱᓇᓱᐊᖃᑎᒋᔭᕗᑦ ᑕᒫᓃᑦᑐᑦ ᐃᑲᔪᕆᐊᖅᓯᒪᓪᓗᑎᒃ. ᖃᓄᐃᖏᑦᑎᐊᖁᕙᑦᓯ ᑕᒪᐃᓐᓄᑦ ᐱᓕᕆᐊᕆᔭᑦᓯᓐᓄᑦ, ᐊᒻᒪᓗ ᖃᐅᔨᒪᑦᑎᐊᖅᑐᒍᑦ ᐃᑲᔪᖃᑎᒌᑦᑎᐊᕈᑦᑕ ᐊᒻᒪᓗ ᑐᑭᓯᖃᑎᒌᑦᑎᐊᖅᓯᒪᒍᑦᑕ, ᐃᖏᕐᕋᑎᑦᑎᓂᖅᐳᒍᑦ ᑲᔪᓯᑦᑎᐊᕐᓂᐊᖅᑐᓂᒃ ᐃᖏᕐᕋᑦᑎᐊᕐᓗᑎᒃ.

oblique

ᖃᕆᑕᐅᔭᒃᑯᑦ ᐱᔨᑦᓯᕋᐅᑏᑦ

oblique

ᓂᐅᕕᖅᑎᓂᒃ ᐱᔨᑦᓯᕐᓂᖅ

GO
oblique

ᐅᐸᑦᑕᖃᖅᑐᑦ ᑎᑭᑎᑕᐅᔪᓪᓗ ᑐᑦᑕᕐᕕᑎᓐᓄᑦ

GO
oblique

ᖃᕆᑕᐅᔭᒃᑯᑦ ᐃᓂᑦᓴᓕᐅᕐᓂᖅ

GO
oblique

ᐃᖏᕐᕋᓂᐅᔪᑦ ᐊᑭᖏᓪᓗ

GO
oblique

ᑎᑎᖅᑲᑎᒍᑦ

GO
oblique

ᐅᖄᓚᐅᑎᒃᑯᑦ

1 866 732-5438